انا والاستراحه

التاريخ 8\10\1430 هـ

اليوم الأحد



سلام عليكم ......الخ



ليلة الاحد من يوم السبت كنت سهران مع العيال في بيت الشعر < ياحبيلي لبيت الشعر


كنا نسولف ونتونس وضحك < عاد انا مالي نفس اجلس معهم لكن مجاملات


جاء الفجر انا كنت ناوي اتسحر عشان الست




ماتسحرت بس شربت مويه < والله ماذكر شربت ولا لا


المهم عاد انا كان فيني نووووووووووووم لانه وقت نومي



واحد من العيال قال : شرايكم نصلي عند اللحيدان ؟

قالو الربعان : هيا مشينا


ويلا عاد انا اسوق مشواااار على طريق خريص وتجي عند خريص مول وتلف عنده وتلقاه قدامك


المهم صلينا الفجر والله اني بديت اصحصح شوي شوي


رجعنا ....

وديت العيال عند بيت عمتي >> اللي بوه بيت شعر


قالو انزل معنا , قلت لهم والله فيني نوم ابي انام


قالو : يارجال انثبر بس

قلت : والله مقدر


المهم بعد محاولات وجهد منهم استطاعو اقحامي في بيت عمتي


وجلست اسولف معهم ..


الساعه 6 صباحاً , جاء وقت فطورهم




عاد شوفو القهر . انا كنت جالس اطقطق على اللاب وشوفو شلون وصلت معهم


جابو الفطور جنبي ويقولون يلا ياعيال الفطور






عاد ريحه الفطور دخلت خشمي وانا ماتسحرت


قلت لهم : يابعدي انت وياه هناك هناك روحو عند الزاويه


وراحو عاد المهم ماغير اسمع سوالفهم واسمع صوت فميهم (( تشرغ تشرغ تشرغ ))


وشوي اسمع صوت (( فسسسسسسسسسسسسسسسسسسس))


البباسي انفتحت



المهم عاد انا وش كنت اطالع ؟؟!




كنت اشوف فيلم وثائقي باللاب عن الانسان < ابو جوي بس المهم جات الساعه 8 قعدت اسولف معهم ايام اول نسولف عن الذكريات ضحك لين قلت بس (( هههههههههههههههههههههههههه...الخ )) المهم جات الساعه 9 ونص , واحد مننا راح البيت بينام < شوفو شلون راح نام وخلاني اجلس والباقيين يسولوفون انا جلست معهم شوي الساعه 10 الا ربع واحد مننا قال شرايكم نطلع استراحه اليوم ؟؟


انا تحمست والله وقلت خلاص قدااااااااااااااااااااااااااااام


المهم انا قلت لهم على منتزه او شاليه بالثمامه يوميته 100 ريال شاليهات هي


عاد انا نسيت مكانه وين المهم واحد منهم يعرف له شاليه ثاني اسمه ( نجد )


عاد ركبنا السياره ( مافيها مكيف )


وانا عطشان , المهم مروا البقاله يشترون مويه عشطانين << ياقلبي عليهم


وانا جالس اطالع فيهم


المهم وصلنا ( دوار عويضه ) كان فيه شمال غرب مننا محطه مرينا من جنبها لقينا لوحه مكتوب عليها

( شاليهات نجد ) < اسمها يحمس رحنا من عند هاللوحات ولفينا خمسين الف مليون لفه لين وصلنا لها انا يوم وصلت قلت للعيال : ياعيال ترى يمكن مايدخلونا عشان العوايل


والله يالربع اقسم بالله انها مقفله بسلسله كبيره وباب احمر مصدي والله صار لونه بني والله


وياليتها بوابه باب حق حوش بنقالية


واحد مننا عنده امل > يقول : خلونا ندخل يمكن من داخل حلوه


قلنا له يرحم امك طس بس


المهم قال طيب وش تبونا نسوي


قلنا : رح دور وحده غيرها



المهم لفينا لفينا لفينا كلها من 600 وفوق ومن زينها بعد


من قوة الطفش لقينا سلق ( كلاب ) قمنا نطاردها


والله اننا طفشناها




المهم رحنا بنرجع للبيت لقينا استراحه وش اقول بس

ماشاء الله تبارك الله


والله عندي واحد مصورها مقطع فيديو بس مو عندي الحين ولا كان حملته لكم

اسمها (اللؤلؤه)


اقسم بالله تستاهل 1000 ريال لقيناها بالف ريال والملعب بصراحه حمسني


يوم دخلت لقيت كوره Nike واخذني الحماس بشدة


رحت اركض واشوت الكوره < لي سنتين مالعبت كوره والله اني فحمت وانا صايم بعد تخيلو صايم والعب كوره الساعه 12 الظهر والله 12 من قوة الحماس انا صورت المقطع عشان اوريه ربعنا بالرياض




برب > مويه




باك



عاد واحد مننا قال فيه استراحه رحت لها مع مطاوعه

رحنا لها والله انها حوش غنم مادري شلون جايه


دقينا بابها ماحد يفتح اخذنا رقم الزول ودقينا بجواله

تخيلو وين كان فيه




خلوكم مع المكالمه


المتصل : سلام عليكم

الزول : عليكم السلام

المتصل : وينك يازول تعال افتح الباب

الزول : واللهي انا هسه في الحمام ( مع صوت زحيره )





عاد الزول كم مره دقينا عليه نبي نخرب جوه


المهم عاد طلع السوداني ودخلنا المكتب حق الاداره


حاط فوق المكتب نفيخه



المهم شفنا الاستراحه المشكله مافيها مسبح < وهاذي المشكله وقلنا له بكم سعرها يقول


يقول


يقول


يقول


يقول





600 ريال


حوش وزرع كله تراب وماصورتين وقال ملعب


امحق بس


المهم الساعه جات 2 ونص



وانا صايم


<< يؤ شربت دخان اللهم اني صايم



تخيلو نفسكم معي والله انكم لتروحون فيها والله

صايمين واللي معكم يشربون مويه وحركات

عاد انا منقهر ومنغبن


يعني لو شربوا مويه قدامي بنقهر ولو ماشربوا بنغبن


لو شربوا بنقهر عشان اني ماقدر

ولو ماشربوا بنغبن عشان مايشربون وقت هالحر والعطش




مثل ماقال مثل الشاعر


ياراكب الشاص اجلس واستريح






والسلام عليكم ورحمه الله وبركاته

---

...تابع القراءة

العيد وما ادراك مالعيد

السلام عليكم ..........الخ

كل عام وانتم بالف الف خير << يقولها بدون نفس


طيب ماسالتو نفسكم ليش قلتها بدون نفس

اليوم هو اول يوم بالعيد !! وتعال شف وش يصير فيني باول يوم بالعيد

بسم الله........



الرمضان 29\9\1430 هـ الساعه 6:30 اليوم \ السبت


خبر اعلان اول ايام العيد الاحد



<< وجهه رايح فيها مايبي العيد يوم الاحد مايبي الرمضان ناقص تدرون ليش مابيه ناقص << عشان ماينقص يوم من الصيفيه عشان الطراسه جايه


وحالتي حاله ومن قوه الطفش رحت نمت , مالي نفس اقعد , ( العيد بكره )



عاد شسمه يوم صحيت الساعه 10:30 م


ركبت السياره واطمر على محل الشماغ اللي جنبنا واشتري ذيك الغتره , وذاك العقال اللي يلق


<< تسنه لستك لا ابشركم عقالي من النوع اللي ذاك المربوط ابتسامة والمهم رحت شريت (كرمكم الله )... نعلة يوم خلصت ماخلصت الا الساعه 11:10 << ياسرع الشباب بس بالمقاضي مب مثل الحريم على طاري المقاضي والحريم والشباب ياناس الحين تصدقون الاسواق صاير فيها زحام من تاريخ 1\9\1430 هـ اول يوم بالرمضان يتقضون للعيد << الله المستعان والمشكلة مايخلصون الا الساعه 3:59 فجراً يوم 29\9\1430هـ حتى يخلصون ونفسهم بحاجه بعد اوما حنا يالشباب ماشاء الله علينا ماغير ثوب وطاقية وشماغ وعقال << ياسلام علينا بس والله اني مشيت من البيت الساعه 10 ونص , رجعت 11 وربع زي كذا المهم يوم رجعت طقيتها ذيك الترويشه ايه صح قبل الترويشه ابشركم رحت الحلاق وحلقت ( سوالي تنعيم ) المهم تروشت يوم خلصت والله تسني الق من النظافه


والا اشوف شي باصبع رجلي الكبير مدري وش


ياليييييييييييل اثاري اظفري وصخ << مقرف ههههههههههههههه واقوم اتروش مره ثانيه << والله لو تتروش بموية الورد ماينفع فيك شي ثم يوم خلصت والحمد لله القى السرير جاهز وش زينه وع المخده سريع سريع عاد تحلمت في شي تدرون وشو ؟؟!! ^_^ الــــحــــلــــــــــم (( كنت منسدح على السرير شوي جاتني تريله وقفت جنبي وعاد راعي التريله هو انا سالت نفسي انت من انت قلت انا انت قال اهاا يعني انت هو انا اخوي انا ولا انت هو انا )) < خلص الحلم قمت الساعه 3:00 تماماً الفجر رحت اصلي الفجر ورجعت اطقها ترويشه مره ثانيه ثم البس ذاك الشماغ والطاقية والثوب والحركتات عفوا انا شريت غتره مب شماغ << تصحيح لبست غتره مب شماغ ^_^ ورحت اصلي العيد وعاد تعالو شوفو الجامع حقنا اللي عند ملعب المجد ^)* شسمه والله كان زحمه حسيت اني في مكة مب بالرياض , عاد انا كنت جاي لحالي مشي << دايم لحالي المهم صليت الحمد لله والشكر , وخلصت ورجعت يم البيت واكلت حلاوه وعصير و و و و و حليب خلفات ( حليب نياق )





يوم خلصت رحت للبقاله عشان اشتري بطاقه شحن وجريده ولعبة


<< ماخذ عيديه وش حسبالكم عاد بما اني رايق ومافيه ابرد مني رحت ابعد بقاله عن شرق الرياض << بالله شرايكم بالتوصيف والتميلح (( انا very Good )) المهم الا شوي ابوي يدق علي الاب : عبيًد وينك فيه الابن : هلا يبه يلا جايك جايك بس خلني اخلص المصاصه الاب : اقول امش مشت عليك ناقة الابن : يلا يلا جاي جاي يوم وصلت مالقيت موقف لي بالسياره العالم كلها جات اللي عزمانهم كلهم جو المهم رحت وقفتها عند المسجد , واطقها مشي لين بيتنا يوم وصلت الا ابوي يهاوش الاب : بسرعه رح صب القهوه للرجاجيل << حلوه رجاجيل الابن : من ذولا الحين

الاب : هذولا عمك واخوه واخوه الثاني وولده وولد ولده وجارنا ولد جارنا ولد عم جارنا ونسيب جارنا

واخو جارنا من الرضاع واخت جارنا من الرضاع والخطابه


<< خطابه جايه غلط الابن : طيب طيب المهم رحت اسلم على امة محمد , المهم وانا اسلم عاد المسافة طويلة مره يالله يالله اوصل اللي عند الزاوية عاد وانا اسلم سرحت كنت افكر , وش يجيب الخطابه هنا المهم فيه شي قطع تفكيري مدري وشو الا صياح الريجيل تدرون على وش عشاني بس تعديت الشايب ماوقف معهم كان جالس مايقدر يوقف المهم واروح ارجعله عاد انا مسوي ذيب بحب خشمه عشان مايزعل ^_^ المهم يوم حبيت راسه وجيت احب خشمه امسك خدوده وارفع راسه واحط خشمي بخشمه واثاري عقالي يطيح براسه وامسك عقالي واحطه براسي عاد بقولكم شي قبل اكمل القصة
العقال ذا ذكروني فيه يبيله قصة نص الشعب السعودي ياكثر ماعانا منه ايام الطفولة



باك



اروح اصب القهوه يوم جيت باخذ الدلة عاد دلة الشاهي نفس القهوه نفس الطول ونفس كل شي


<< هذا اكثر شي يرفع ضغطي وامسك دله الشاهي واصب للشايب اول واحد واثاري معه سكر , ياحبيبي يوم خلصت الفناجيل والبيالات رحت بغسلهم برب << يغسل الفناجيل والحاجات زي كذا يعني باك المهم الحين الساعه جت على 1 ونص جاء وقت الغداء (المفطح) عاد انا لازم انتظر الدفعه الثالثه تخلص عشان ادخل مع الدفعه الرابعه المهم طولت وانا انتظر طلعت من مخباتي مصاصه كنت شايله وقت اللزوم المهم عاد هالوقت ذا الدفعه الاولى مخلصه من زمان الحين الدفعه الثالثه تاكل وانا جنبي شايب من الدفعه الاولى يطالع فيني ويحرك فمه انا عاد قلت بنفسي هذا توه ماكل ويبي مصاصتي << والله يحلم ياخذها


عاد الشايب ماعنده ضروس ماغير لثه ويفتح فمه << حركات الشياب ^_^ على طاري الشياب الحين الشياب اذا تبيهم ينشطون سو اضراب عن القهوه صدقني تلقاه يناقز عندك ومافيه الا الفسقه << رجعنا لموضوعنا عاد انا يوم شفت نظرات الشايب لي طفشت منه وقمت وغيرت مكاني واطالع فيه بنظره حقد وبنص عين بعد < ياويلي المهم جاء دورنا بالدفعه الرابعه !!!!


كارثه شفتها


الشيبان اثاريهم ماخلو شي لنا المخ والعظام والراس والجنب

حتى الدهن دهنو لحيتهم فيه مابقى الا الرز

ويابس بعد



والله البلشه انا انسدت نفسي << يازين الرمضان كامل بس عاد رحت اخذتلي سندوشه جبن مع فول سوداني وكاسه لبن وعلى احلى مسرحية لبنانية على طاري مسرحية لبنانية الحين هم يضحكون ولا يغرون ؟؟!! باك شسمه ايه عاد انا اخذت لي سندوشه وعصير لبن بس سندوشه وحيده يوم جاء العصر بطني ذبحني رحت لمطعم الفورسيزن ( بيت الشواية ) واخذلي ذيك الشاورما <؟؟؟؟؟؟؟؟؟؟؟؟؟؟؟؟؟؟؟؟ مع عصير برتقال احس خلاص قلت لكم وش صار فيني اليوم كله ^_^ خلاص تراني تعبت وانا اكتب بروح اسوي لي شي ثاني باي

...تابع القراءة

انا والسمبوسه

سلام عليكم ورحمتن الله وبركاتوهـ



كيف حالكم شخباركم عساكم للقوه يارب


<< ياخذ نفس عمييييق قبل يخش بالموضوع ــــــــــــــــــــــــــــــــــــــــــــــــــ ـ جانا شهر الرمضان ومابقى عليه الا اسبوع والله يديمه علينا بالبركه ...... وبعد ,


مره رحت اودي اهلي هايبر بنده عشان يتقضون للرمضان << يازينك ساكت بس يوم وصلنا والله ياناس زحممممممه وش ذا واااااو اول مره اشوف زحمه زي كذا المهم طحنا بوسطها عاد ابي اطلع ماقدر , مالي حيله هايبر بنده هايبر بنده شسوي . كنت بطلع بروح مكان ثاني بس ماقدر من الزحمه <<< قل قسم وامي تقول هذا موقف هذا موقف , اقولها ( يمه ) هذا مكان خاص للصراف حق السيارات مب موقف والوراعين وراي صجه ولجه باخر شي , والله مشكله السياره الكبيره , وبالرياض بعد << ياحبيبي والله ماتقدر تتمشى فيها قلق وراعين ازعاااج وزحمه سيارات يع يع يع

المهم والا القى ذاك الموقف على الزاويه بس المشكله فيه مكان فاضي النص بس

يعني نص سيارتي تدخل والنص الثاني لا

وانا امسك طال اعماركم السياره واطمرها فوق الرصيف << احبك ياجي اكس ار الحمد لله الموقف وخلصنا منه , باقي زحمة المحل داخل قلت بنفسي الله يستر بس << يوم قلت زحمه المحل , ماتحسون اني طعس

مالكم بالطويله .

ثم ادخل انا وبعثه المنتخب ( اهلي ) , اوووووو ماي قاد , زحمه موووووووت

حتى يالله يالله اخذت لي عربيه ياليتها كبيره صغيره تمشي الحال << مسكين صح واقعد اقول في نفسي (( يالله يالله يارب انك تجيب في ذاكره امي انها تبي تزور خالتي يارب )) << عشان الزحمه

المهم رحت اجيب لهم كل الاغراض بس نسينا غرض واحد وهو الاهم

الســـمــبــوســـة << وهل تخفى الشمس المهم وانا اروح ادور السمبوسه وينك ياسمبوسه حتى صرت اغني واقول قصايد وانا ادور


ــــــــــــــــــــــــــــــــــــــــــــــــــ ــــــــــــــــــــــــــ

ســـمــــــــــــبوســتي ياســــمـــــــــــــــــبوســــتي

ايــــــــن انـــــــــــــــــــتي ياسمبوســـه

يــــاللـــــــــي تشبــــــــــــــــه هــنـــــــــــدســـــتي

ياللي فيــــها جــــــــــبن ولــحـم وكوسه

ــــــــــــــــــــــــــــــــــــــــــــــــــ ـــــــــــــ


وسلامتكم ,

واقعد ادور وادور مالقيتها ياربييييييييي , شوي شفتها من بعيد بس العالم متليمين عليها , ثم اطقها حزن

اطقها مسلسل كويتي

واودعه

رحت لاهلي وانا راسي نازل حدر ومحزن , امي تقول وش فيك , قلت يايمه السمبوسه , قالت شفيها

قلت مافيه سمبوسه , ثم انا وامي نطقها صياح وحزن الناس يحسبون ان جانا خبر واحد مات

انا ماعمري بكيت على واحد مات <<

المهم الناس تجمعت علينا والله فشله المهم قالو شفيكم قالت امي " السمبوسه ام الحوسه "

قالو هاااه , انا قلت طال اعماركم جانا خبر واحد ميت << يصرف هو وخشمه

قالو الله يرحمه ويدخله الجنان , قلنا بصوت واحد آمين , امي قالت الله اكبر << تحسب انها تصلي عاد انا استغليت الموقف مسكت اخوي الصغير يعني اني بمشي قلت له باذنه قل ابي سمبوسه

وهو عاد يقولها بصوت عالي شافنا نبكي بكى معنا يبكي ويقول سمبوسه << ياحظنا

عاد انا قلت ياولد خلاص اص هذا وقته الحين بكره بنجيب لك

اخوي : لا لا ابي سمبوسه الحين << عمره 3 سنين ماعليكم منه

واحد من الناس اللي متجمعه قال امسك هاذي سمبوسه , قلت لا والله مب لازم

امي تبكي وتطالع فيها , المهم الرجال حلف وعاد اخذتها منه وطلعنا




وفــــــــيـــــنــــِِِِِشِ

...تابع القراءة