طبعاً انا ماحطيت هالمقال الا لأني وجدت صعوبة صراحه في التركيز مع الشرح ووجدت صعوبة في الراحة النفسية في المدرسة .
اليوم اخذت معي جوالي للمدرسة .. بسبب هالمقال .
في البداية آحب أشكر المعلمين اللي يتعبون ويكرفون واصواتهم من الساعه 7 - 1 شغالة , لكن هيهات هيهات على الطلاب هههههههههههه
بصراحة والله ماظلم ( المدرسين والطلاب ) لانهم مالقوا وصلة الربط بينهم .
المدرسين مشكلتهم مع الطلاب .. وش ؟؟ .. مشكلتهم إن الطالب مايكون معه او يكون مشغول في مادة ثانية (( انا اتكلم عن نفسي ))
لان والله لو الواحد يجلس بنفس المدرسة اللي انا فيها (( واكيد اغلب مدارس المملكة مثلها )) مافي امل يستوعب او يركز الا اول 3 حصص لان الطلاب نايمين , والتركيز يجي بسبب الهدوء .. لكن ممكن التركيز يتشتت في منظر الفصل " ماشاء الله تبارك الله "
بعطيكم صور للفصل .. وانتم احكموا كيف يجي التركيز وهو ماشي 260 كم (أُس 3 ) ..
" النظيم - Sniper "
ولو تلاحظون الدريشه " الشباك " الرابع من اليمين .. مكتوب ابو سعود وابو مدري وش
بجاديه - عتبان وتعبان - وقحطان - 505
اول ماجيت الرياض كانت هالمدرسة اول مدرسه ادرسها ثانويه بالرياض .. وكنت اشوف ارقام كثيره في جدران المدرسة برا
505 - 511 - 130 - 120
اشفقت على الطلاب , قلت شكلهم مفتقدين خواتهم ولا بناتهم كاتبين اسامي مدارسهم
بس يوم شفت هالرقم 555 قلت لاااااا هذا اكيد دعاية لـ بطاريه " حجار "
طلع رموز القبايل هههههههههههه عشان اذا احد ضيع قبيلته .. يصير يعرف رقمها
وجبت لكم مقطع فيديو عن علكه مشمعه بالجدار من يوم تأسست المدرسة
صارت حصاه
الحين حنا الحمد لله .. الشتاء في بدايته ودخلنا الوسم , لكن بصراحه ماندري وش بيصير لاجاء الشتاء ..
حنا التصميم حق الدرايش تجي كذا
دريشتين كبار .. بس عندنا دريشه وحده والثانيه مقلوعه مب مكسوره
ماندري وش نسوي اذا جاء الشتاء
بس اتوقع الوضع نفسه نفسه لو حطو الدريشه .. لأن المدارس مافيها عازل في الجدران
لكن اذا جاء القيض " الصيف "
مكيف استغفر الله .. نفسي بس يكون عندنا سبلت ..
هاذي نوعاً ما عن مدرستنا .. واختصرتها بالفصل .. لأنه نافذه عن مدارس المملكه .. فما ادري
ليه وزارة التربية والتعليم .. ماتحط فئة استكشافيه عن مشاكل الفصول لراحة الطلاب .. ؟؟
فعلاً سجن غير مباشر ..
لا تعليق
إرسال تعليق
شكراً لك لوضع بصمتك في مدونتي .. واتمنى أرسم الابتسامه على وجه .. (( هاللحية الغانمة ))