الخميس، 14 أبريل 2011

اخيرا مابغت تجي هالسفرة

[ || ]


طال شنابكم وطالت شعورتسن

بعد مابدت العطلة وفي يوم [ السبت - العصر ] بالتحديد كنت تو جاي من البقالة واول مالبقت الرنج عند البيت ، لقيت ابن عمي [ صنهات ] وهو ينطلق لي فرحاً حاملاً خبراً سار ،

(( علماً ان صنهات نصراوي الجنسية هلالي الاصل ))

وقال لي :- يافندم جاتني رسالة من قروب النصر انه يوم الثلاثاء فيه امير تكفل بنقل جماهير النصر لقطر عشان مباراة السد


وانا خشتي [ يعني وجهي ] مبققـ(تن) قلت له :- طيب محفول مكفول قال وهو نافخ صدره [ من زود الثقة ] :- نعم محفول مكفول

قلت له طيب شلون كيف وين نروح والساعة كم ؟؟ قال :- نروح ملعب الملز الفجر وننتظر الباصات لانها تمشي الساعه 9 لقطر !!!!

قلت :- ومتى نرجع ، قال :- [(( بعد المباراة على طوووووووول ))]

عاد انا في السفر ، يتوسع صدري حتى لو انه تعب ونكد وقلت له :- قدام على الاقل اطلع من السعودية لو اطلع خشمي وارجع

يوم الاثنين طلعت للجوازات اجيب تصريح [(( لاخوي مب لي  انا كبير ببطاقة ))] ويوم الثلاثاء الفجر حركنا للملز وطفشنا وحنا ننطر الباصات وبطوننا فاضية ومستبشرين خير بفطور هالامير اللي تكفل به

وجات الباصات الساعه 8 وانطلقنا ركض للباص







ماحب ابربر كثير هاذي صور رحلتنا اللي خربتها نتيجة المباراة

عند منفذ سلوى









هذا مييييييييييييييين ياحلوين 










سواقنا قرر ياخذ صوره عند المنفذ




وهذا ممشانا بعد المنفذ





ولحقنا على المباراة في الدقيقه 8 وحنا بالملعب


























وهذا باصنا الفخم




وبس 


علماً ان الامير سحب علينا لدرجة اننا دفعنا تكاليف التذاكر والاكل والخسارة "

والسلام عليكم

لا تعليق

إرسال تعليق

شكراً لك لوضع بصمتك في مدونتي .. واتمنى أرسم الابتسامه على وجه .. (( هاللحية الغانمة ))

المشاركات الشائعة